最近小腿有啲痕，尤其係沖涼之後，但係對腳睇落又無問題個喎？究竟係咩既一回事呢？又唔係敏感，又唔係濕疹，又唔係蚊叮蟲咬。
其實呢個係好多人都間中會發生既情況，尤其係小腿、腳背、手肘呢啲比較乾燥既部位。沖完熱水濕之後毛孔會擴張，同時因為體表溫度較高，水分蒸發率亦會較高。引致到既結果就係一個好暫時性既乾燥皮膚狀態，係一般情況下，身體過一陣間會自動平衡番皮膚水分同油脂。不過果一小段時間就會比較痕咁解啫。如果本身飲唔多夠水，成日飲咖啡同茶呢啲飲品，呢啲情況就會相對地再頻繁多一啲，造成生活上既小困擾。
如果想快速處理既，市面上有好多溫泉水/礦泉水/菜瓜水之類既快速補濕噴霧，又或者係啲蘆薈Gel咁，另外以簡單既潤膚露/油脂去覆蓋相關既部位防止水分流失。就好快會解決到呢啲小小既皮膚狀況。
但係，假如本身有濕疹、長期皮膚乾燥等等既問題，就自然會需要特別既護理。如果一向有睇開皮膚科既應該都會有慣性既潤膚露、BP膏等等，適當咁用應該都控制到大多數皮膚乾燥/濕疹問題。另一個問題就係，究竟你用緊困一罌潤膚露係咪真係岩你用，抑或只係一啲人地用你又用，見到係啲水貨藥房賣得好平幾廿蚊一大罐就買三罐番屋企，但係搽整都無用，你又再搽更多，好快咁用完一罌然後繼續買。
抑或，你根本一開始應該搵一支好既，雖然會貴啲，但係可以解決到你既問題既產品呢。市面產有幾個牌子都幾好其實，Vaseline係我所知最平價但都算唔錯既牌子（尤其燕麥果支既鎖水力最好），Aveeno係高價啲不過成分都係較好既產品。其他有啲話有各種藥效/強力效果既野就見人見志喇。
Comments