top of page

選擇

若然睇到呢一篇文章,即係已經成為會員,對自己有要求既人先會尋求方法踏出第一步,希望你會係呢度搵到適合你用既產品。


選擇適合既護膚品就好似揀對象一樣,你會接受到好多人,果款產品亦會面對好多人,有時係果樣產品唔岩你,有時係果件產品你唔捨得花咁多錢係佢身上,但只要願意,不經不覺試下試下就會遇上適合自己既果樣野。而有啲產品甚至可以用一世,唔需要時時刻刻都搵新產品黎搵。試問,難道你想每個月換一個對象?長期都身處於適應期/激情期,都唔會太健康啦。


所以你話呢度講到好似徵婚介紹亦錯唔哂,只要揀著岩用既產品,用後無不良反應,皮膚係得著良好改善既,你都應該將佢記低,再好啲可以詳細了解下佢。咁當你又遇上另一個問題既時候,前事就會成為你地感情既養分。究竟係支野變左?抑或係我變左?如果係我變左,我地之間仲適唔適合?如果支野話香港無得再賣,咁我點算?我應唔應該陪佢去英國?你地之間既經歷會幫助你解答上面既問題,去決定繼續用一支護膚品,抑或搵過另一款護膚品。


有啲人尋找護膚品既過程好耐,因為佢地可能本身問題比較複雜,亦可能只係佢地要求較高,實在唔容易搵到一支岩自己用,而同時自己又承受得起既護膚品。有啲護膚品人地講到天花龍鳳幾正幾正咁,其實未必人人都岩。例如啲油脂旺盛既皮膚,當然要適當地使用油脂,但係如果用營養繼續谷落去,好大機會達唔到預期中油水平衡既效果。好似我阿姨比較乾性皮膚,佢用OLAY用得幾好,但我姨媽就整體中性但T字位油,佢用就話仲唔舒服,個額頭油笠笠咁。啲產品話一支解決所有問題,咁你有無遇過一個人可以滿足哂你所有願望,真係一個完美情人先?


我只係想用自己既知識同經驗去幫助其他人早啲搵到岩自己既護膚品,男人搵女人又好,女人搵男人又好,男人搵男人又係,女人搵女人都係,太多種類太多選擇其實唔一定係好事,有得揀當然好,但係,真係人人都知道自己既需要?

2 次查看0 則留言

最新文章

查看全部

我的Best regards不是Best regards,

早幾日,夜晚同朋友隨口臨瞓講左一句「祝你今日好瞓啦😴」,佢俾左個😮俾我,問我咩事,「無事啊,wish you good night.」,無事突然間祝我瞓好啲既咩😂。之後隨便吹多幾句水大家都真係去瞓。 過左兩日我開始係度反思呢一件事,從何時起我地將對其他人既祝福睇得咁珍貴,好似係只有過時過節先會講既說話。於我而言不是,祝福係一種對他人需要既關懷同同理心。未必係一句經常重複既禮儀,但當我諗起對方

「好」是個極差的字

第一次嚴重糾正前合伙人,是關於用詞。回想當初成立,其他合伙人立願是要建立一個集合所有最好產品的網購平台,所有品質、成分、背景欠佳的通通不選。廣義上我當然同意,但實際上,最好真的存在嗎? 如果最好真的存在,那麼市面上倒不會有那麼多各式各樣的護膚品牌,因為市場一向只會由最廣而為次又被接受的品牌跟產品接受,尤以香港市場更明顯,說到茗茶點心會說到蓮香樓、川龍街,說到汽水只有可口可樂,說到護膚品雖然總有幾個

bottom of page